ശരീരദേശത്തിനുള്വഴികള്
നുഴഞ്ഞുകയറ്റക്കാരെക്കൊണ്ട്
നിറഞ്ഞിരിയ്ക്കുന്നു
ചുമലില്നിന്നും തലയിലേയ്ക്ക്
ആര്ത്തുകയറുകയാണ് ഭ്രാന്തുകള്
നെഞ്ചിന് മദ്ധ്യഭൂമിക
ചതുപ്പും ചരലുംകൊണ്ട്
അനേകം വന്കരകളായി
സൂക്ഷ്മദ്വീപുകളായി
പിരിച്ചെഴുതിയിട്ടിരിയ്ക്കുന്നു
കൈക്കരുത്തിന്റെ കോട്ടയില്
കുന്തമുന കയറിയിറങ്ങുന്നു
വിരല്മടക്കുകളില്,
ഞരമ്പുണങ്ങിയ കൈത്തണ്ടില്
കടല്ച്ചൊരുക്കേറ്റ ശ്വാസനാളിയില്
കരളേയെന്നൊരു കരിമ്പിന്തോപ്പില്,
തിരിഞ്ഞും വളഞ്ഞുമിഴയുന്ന
അനേകം പ്രാണവഴികളില്
വേദന തറച്ച്
പ്രതിരോധത്തിന് പടവുകള്
കുഴഞ്ഞുവീഴുന്നു
പൂക്കാലം ഒഴിഞ്ഞുപോയ അസ്ഥിയില്
ജീവപദമൂന്നി
ഏതുനേരവും തകര്ന്നേക്കാവുന്ന
ചില്ലുകൂടാരത്തിലുമ്മവയ്ക്കുന്നു
ഹൃദയഭിത്തിയോടൊട്ടിയ
പഴയൊരു പ്രണയഗാനം
***********************
നുഴഞ്ഞുകയറ്റക്കാരെക്കൊണ്ട്
നിറഞ്ഞിരിയ്ക്കുന്നു
ചുമലില്നിന്നും തലയിലേയ്ക്ക്
ആര്ത്തുകയറുകയാണ് ഭ്രാന്തുകള്
നെഞ്ചിന് മദ്ധ്യഭൂമിക
ചതുപ്പും ചരലുംകൊണ്ട്
അനേകം വന്കരകളായി
സൂക്ഷ്മദ്വീപുകളായി
പിരിച്ചെഴുതിയിട്ടിരിയ്ക്കുന്നു
കൈക്കരുത്തിന്റെ കോട്ടയില്
കുന്തമുന കയറിയിറങ്ങുന്നു
വിരല്മടക്കുകളില്,
ഞരമ്പുണങ്ങിയ കൈത്തണ്ടില്
കടല്ച്ചൊരുക്കേറ്റ ശ്വാസനാളിയില്
കരളേയെന്നൊരു കരിമ്പിന്തോപ്പില്,
തിരിഞ്ഞും വളഞ്ഞുമിഴയുന്ന
അനേകം പ്രാണവഴികളില്
വേദന തറച്ച്
പ്രതിരോധത്തിന് പടവുകള്
കുഴഞ്ഞുവീഴുന്നു
പൂക്കാലം ഒഴിഞ്ഞുപോയ അസ്ഥിയില്
ജീവപദമൂന്നി
ഏതുനേരവും തകര്ന്നേക്കാവുന്ന
ചില്ലുകൂടാരത്തിലുമ്മവയ്ക്കുന്നു
ഹൃദയഭിത്തിയോടൊട്ടിയ
പഴയൊരു പ്രണയഗാനം
***********************