ഒന്നു കൂക്കിവിളിയ്ക്കാനോ
ഞാനെടാ എന്ന്‌ ചങ്കൂറ്റം കാട്ടാനോ
താന്തോന്നിത്തരമെന്ന്‌ കയ്യോങ്ങാനോ
ആവാതെയിരിപ്പാണ്‌ തൊണ്ടയില്‍
ആണികോറി വരച്ചാലും
പച്ചയെഴുതിയാലും
ബാധിയ്ക്കരുതെന്നും ബാധയാകരുതെന്നും
ഒതുക്കി വയ്ക്കപ്പെട്ടവര്‍
ഇമയനക്കാതെ നില്‍ക്കേണ്ടി വരുന്ന
ശിലാഖ്യാനങ്ങളെപ്പോലെ
ശബ്ദം തൊടാത്തതിനാല്‍
മൂല്യ രേഖകളില്ല
വളര്‍ത്താന്‍ ശേഷിയില്ലെന്നറിഞ്ഞിട്ടും
കൊല്ലാന്‍ കൈവരാത്ത ഈ പിടച്ചിലുകളെ
തടവുചാടിയ്ക്കണം
ചങ്കുപഴുത്ത്‌ മരിയ്ക്കുമ്പോളും
കുറ്റബോധമില്ലാതിരിയ്ക്കാന്‍.
23 comments:
ഇങ്ങിനെയും വാക്കുകളൊ;
കവികളുടെ ഓരൊ കണ്ടെത്തലുകള്‍..
എന്താ പ്പോ ണ്ടായ, ഇതിന് മാത്രം.
തുപ്പീക്കള...വേഗം!
Changupottum munpu chadikku
ഒന്ന് കൂകി വിളിച്ചാല്‍ മതി... :)
അവസരം കളയുന്നില്ല ഞാനും.. ഓ.. കൂഊഊ..യ്..
എന്തായാലും ഇറക്കണ്ട, ദഹിച്ചില്ലെങ്കിലോ...
അതെ- ഈ ദുരന്തം തന്നെയാണ് പുതിയ തലമുറ നേരിടുന്ന ഏറ്റവും വലിയ വെല്ലുവിളി-
വാക്കുകള്‍ ശക്തം
ഇരുന്നിരുന്നു തുരുമ്പിച്ചു പോകും മുന്‍പു പുറത്തു വരട്ടെ..
വളര്‍ത്താന്‍ ശേഷിയില്ലെന്നറിഞ്ഞിട്ടും
കൊല്ലാന്‍ കൈവരാത്ത ഈ പിടച്ചിലുകളെ
തടവുചാടിയ്ക്കണം
ചങ്കുപഴുത്ത്‌ മരിയ്ക്കുമ്പോളും
കുറ്റബോധമില്ലാതിരിയ്ക്കാന്‍.
ഹൃദ്യമായ വരികൾ..
ആശംസകളോടെ..
കവിതയില്‍
ഒരു മനസ്സിന്‍െറ വിങ്ങല്‍
ഒരു നിസ്സാഹതയുടെ നിഴല്‍
:-|
നമ്മുക്ക് മുന്നിലെ ചില കാഴ്ചകളെ പ്രതികരിക്കാനാവാതെ നിസംഗതയോടെ നോക്കിയിരിക്കേണ്ടി വരുന്ന ആരുടേയും മനസ്സില്‍ തോന്നിയേക്കാവുന്ന വരികള്‍
അത് ആറ്റുക്കുറുക്കി ഭംഗിയായ് ഇവിടെ പതിപ്പിച്ചിരിക്കുന്നു, അഭിനന്ദനങ്ങള്‍..
ഈ നിസംഗതയാണ് ‘മൌനം വിദ്വാനു ഭൂഷണം.’ എന്നതിന്റെ പുതിയ വ്യഖ്യാനം. അങ്ങനെ സമാധാനിക്കാം... :)
ശബ്ദമില്ലാത്തവരുടെ ശബ്ദമാവാന്‍...
''വാക്കുകള്‍
പൊക്കവുന്നതില്‍കൂടുതല്‍
പൂക്കരുതു ;
അത് നടുവിനും പ്രശസ്തിക്കും
അത്ര നല്ലതല്ല .
വെറുതേയല്ല ചന്ദ്രകാന്തം കോട്ടക്കലില്‍ ഉഴിച്ചിലിനു പോകുന്നതു. നീ സ്വര്‍ണമല്ലുണ്ണീ പത്തരമാറ്റ് തങ്കമാണ്; തങ്കം.
ആ ലെസ്ബിയന്‍ കവിയുടെ പേര് വായിച്ചു നാക്കുളുക്കി.
വളര്‍ത്താന്‍ ശേഷിയില്ലെന്നറിഞ്ഞിട്ടും
കൊല്ലാന്‍ കൈവരാത്ത ഈ പിടച്ചിലുകളെ!
നിനക്കതിനു ശേഷിയുണ്ട്,
ഓരോ കവിതയിലും നിന്‍റെ വാക്കുകള്‍ക്കു
കനം വെയ്ക്കുന്നു, നിറയെ സന്തോഷം.
soiryam keduthunna vakkukalkondu
kavitha soiryam keduthunnu.
(:
ചില കവിതകള്‍ വായിച്ചു കഴിയുമ്പോള്‍ ഈ അവസ്ഥയാകാറുണ്ട്. വളരെ ശക്തവും പ്രസക്തവുമായ ഈ വിഷയം കവിത എന്ന മാധ്യമത്തിനുള്ളില്‍ നിന്നും പറയാമെന്ന് മനസ്സിലാക്കിത്തന്ന കവിത !
great.
ആണികോറി വരച്ചാലും
പച്ചയെഴുതിയാലും
ബാധിയ്ക്കരുതെന്നും ബാധയാകരുതെന്നും
ഒതുക്കി വയ്ക്കപ്പെട്ടവര്‍
നമ്മളെപ്പോലെ..
ഒരു നെടുവീര്‍പ്പ്
ഒരു മിഴി ചിമ്മല്‍ പോരെ
പറയാതെ പറയാന്‍ .....
എല്ലാ വാക്കുകള്‍ക്കും മേലേ
കണ്ടിട്ടും കാണാതെയും ,മിണ്ടിയിട്ടും മിണ്ടാതെയും
അറിഞ്ഞിട്ടും അറിയാതെയും ...
അങ്ങനെ ....................
വളര്‍ത്താന്‍ ശേഷിയില്ലെന്നറിഞ്ഞിട്ടും
കൊല്ലാന്‍ കൈവരാത്ത ഈ പിടച്ചിലുകളെ
തടവുചാടിയ്ക്കണം
ചങ്കുപഴുത്ത്‌ മരിയ്ക്കുമ്പോളും
കുറ്റബോധമില്ലാതിരിയ്ക്കാന്‍. ....
അതിനും വേണം ധൈര്യവും ഭാഗ്യവും...
nannayittundu....
parayatha vakku kettikidannu ..pinne cancer ayi maraam.
chandhniye nokkuu..ethu iruttineyum keeri murichalle athu nilavu konduvarunnathu..
shakira yude shewolf,beyonce nte silence kelkkuka..
Post a Comment