Thursday, August 30, 2007

കറുത്ത പൗര്‍ണ്ണമി

ചുമരില്‍ത്തൂങ്ങും കലണ്ടറില്‍,
വെളുത്ത മുഖം അവളോട്‌ ചിരിച്ചു;
ഇന്ന്‌ പൗര്‍ണ്ണമി.

അവളില്‍ സ്വപ്നങ്ങള്‍ വാരിനിറച്ച,
മുറിവില്‍ വെണ്ണയായ്‌ അലിഞ്ഞമര്‍ന്ന
പ്രിയസഖി; പൗര്‍ണ്ണമി.


ഇറ്റുന്ന പാല്‍നിലാവ്‌
ആത്മാവിലേറ്റുവാങ്ങാന്‍,
അവള്‍ ജാലകത്തിരശീല നീക്കി,
മനസ്സിന്റെ വാതായനങ്ങള്‍ തുറന്നിട്ടു.


രാവേറെച്ചെന്നിട്ടും
സാന്ദ്രമാം അന്ധകാരം
കഴുകിക്കളഞ്ഞൊരു പാലാഴി തീര്‍ക്കാന്‍
‍എന്തേ നറും നിലാവെത്തിയില്ല..??


ആകാശത്തെരുവില്‍
‍അപഥസഞ്ചാരികളായ കാര്‍മേഘങ്ങള്‍
വെള്ളിവാള്‍ വീശിത്തിമര്‍ക്കവേ,
അവളുടെ കണ്ണില്‍ ചോര പൊടിഞ്ഞു...

************

7 comments:

മയൂര said...

ആശയം നന്നായിട്ടുണ്ട്...

ഏ.ആര്‍. നജീം said...

:)

ശ്രീ said...

ചേച്ചീ...

കറുത്ത പൌര്‍‌ണ്ണമി നന്നായിട്ടുണ്ട്.

വൈകാതെ അവളുടെ മനസ്സിന്റെ വാതായനങ്ങളിലേയ്ക്ക് വെണ്ണിലാവ് ഒഴുകിയെത്തുമെന്ന് നമുക്ക് പ്രത്യാശിക്കാം...

:)

കാര്‍ട്ടൂണിസ്റ്റ് said...

ഹലഹല,
എഴുതിത്തെളിയുമല്ലോ,
ഞാന്‍ കാത്തിരിയ്ക്കും.
ഷുബര്‍ !
ആശംസകള്‍ !
സജ്ജീവ്

ദ്രൗപതി said...

പ്രതീക്ഷിക്കുമ്പൊഴൊന്നും
കടന്നുവരാത്തവരുണ്ട്‌...
നിനച്ചിരിക്കാതെ
പുതിയ ഭാവത്തില്‍
വിരുന്നെത്തുമ്പോള്‍
നമ്മില്‍ നിറയുന്നത്‌
ഒരു പക്ഷേ സന്തോഷമായിരിക്കില്ല...
മറിച്ച്‌
ആശങ്കകളായിരിക്കും...

കവിതയുടെ പ്രതലം
ഇഷ്ടമായി...
വരികളില്‍
നിറഞ്ഞുനില്‍ക്കുന്ന
കാവ്യഭംവി
ദ്രൗപതിയെ
ഒരുപാടാകര്‍ഷിച്ചു....

ഭാവുകങ്ങള്‍..
അഭിനന്ദനങ്ങള്‍...

ദ്രൗപതി said...
This comment has been removed by the author.
ചന്ദ്രകാന്തം said...

മയൂര, നജീം, ശ്രീ, കാര്‍ട്ടൂണിസ്റ്റ്‌, ദ്രൗപതി..
ഈ വഴി വന്നതിനും, വായിച്ച്‌ രണ്ടുവരി കുറിച്ചതിനും വളരെ നന്ദി..
ഇനിയും കാണാമെന്ന പ്രതീക്ഷയോടെ..
- ചന്ദ്രകാന്തം.