Tuesday, September 22, 2009

പൂക്കാലത്തിന്റെ പടവുകള്‍

മലമുകളിലെ ഒതുക്കുകളിലേയ്ക്ക്‌
അനേകായിരം വെള്ളിയിഴയിട്ടു മുറുക്കിയ
വലിയൊരു തന്ത്രിവാദ്യം പോലെ,
കടല്‍

ജലസഞ്ചാരത്തിന്‍ തുഴപ്പാടുകൊണ്ട്‌
അടിത്തട്ടിലെ നിഗൂഡസംഗീതം
പകര്‍ത്തിയെഴുതുകയാണ്‌
ഓരോ പുഴയും

ഉള്‍ച്ചുഴികളിലെ നിശ്ശബ്ദത
പ്രാണന്റെ ഈ അലയിളക്കത്തിലാണ്‌
പുറംവായുവിലേയ്ക്ക്‌ കുതിപ്പേറ്റുന്നത്‌

മേല്‍പ്പരപ്പില്‍
വെയിലുണക്കങ്ങള്‍ക്കു മീതെ
പച്ചകുത്തിപ്പെയ്യും തുള്ളിയായി
ചിറകുഴിയും ജീവതരംഗങ്ങള്‍,
ഹൃദയത്തിലേയ്ക്ക്‌ ഉണര്‍ന്നിരിയ്ക്കുന്ന
ചുവന്ന തന്ത്രികളില്‍
സിംഫണി തീര്‍ക്കുമ്പോള്‍,
ഒതുക്കിവച്ച പ്രണയം
ഇലയ്ക്കും തണ്ടിനും മുന്‍പേ
ഇതള്‍‌നീട്ടും ലില്ലിയാകും പോലെ.

***********************

'ഹരിതക'ത്തില്‍ പ്രസിദ്ധീകരിച്ചത്‌.

17 comments:

ചന്ദ്രകാന്തം said...

പൂക്കാലത്തിന്റെ പടവുകള്‍

[ nardnahc hsemus ] said...

താഴെ?
മുകളില്‍?
എവിടെ?
?
എനിയ്ക്കു തല കറങ്ങുന്നു...

:)

വാഴക്കോടന്‍ ‍// vazhakodan said...

ഒതുക്കിവച്ച പ്രണയം
ഇലയ്ക്കും തണ്ടിനും മുന്‍പേ
ഇതള്‍‌നീട്ടും ലില്ലിയാകും പോലെ.

ഗിരീഷ്‌ എ എസ്‌ said...

ചന്ദ്രേ...
ഇഷ്ടമായി.
കടലും
പുഴയും
അവയുടെ ആഴങ്ങളും
മനസ്സ്‌ പോലെ...

പാമരന്‍ said...

"മലമുകളിലെ ഒതുക്കുകളിലേയ്ക്ക്‌
അനേകായിരം വെള്ളിയിഴയിട്ടു മുറുക്കിയ
വലിയൊരു തന്ത്രിവാദ്യം പോലെ,
കടല്‍"

ഹെന്‍റമ്മച്ചി! ഈ ഭാവനയ്ക്കുള്ള മരുന്ന്‌ എവിടെ കിട്ടും?

ഉപാസന || Upasana said...

kollaaam akkaa kollaam.
:-)
Upasana

Off : ChandrEEEEEEEE...

yousufpa said...

ജലസഞ്ചാരത്തിന്‍ തുഴപ്പാടുകൊണ്ട്‌
അടിത്തട്ടിലെ നിഗൂഡസംഗീതം
പകര്‍ത്തിയെഴുതുകയാണ്‌
ഓരോ പുഴയും
ഈ ഭാവന എനിയ്ക്ക് നന്നേ ഇഷ്ടപ്പെട്ടു.

സുല്‍ |Sul said...

“ഒതുക്കിവച്ച പ്രണയം
ഇലയ്ക്കും തണ്ടിനും മുന്‍പേ
ഇതള്‍‌നീട്ടും ലില്ലിയാകും പോലെ.“

ഭാവനയുടെ കെട്ട് പൊട്ടിയൊ?. ഇവിടെ വേലിയേറ്റമാണല്ലൊ ഭാവനേച്ചീടെ :).

-സുല്‍

kichu / കിച്ചു said...

അയ്യയ്യോ‍ാ‍ാ

ഇതെന്താ “ഫാവന”ക്കാരുടെ ഘോഷയാത്രയോ???

ചന്ദ്രേ..

സൂപ്പര്‍ :)

Rasheed Chalil said...

മനോഹരം...

കരീം മാഷ്‌ said...

ഒതുക്കിവച്ച പ്രണയം...
ഉള്‍ച്ചുഴികളിലെ നിശ്ശബ്ദത..!
:(

mihir said...

"ജലസഞ്ചാരത്തിന്‍ തുഴപ്പാടുകൊണ്ട്‌
അടിത്തട്ടിലെ നിഗൂഡസംഗീതം
പകര്‍ത്തിയെഴുതുകയാണ്‌
ഓരോ പുഴയും"

oduvil oro puzhayum ezhuthiyathu onnuthanne aayirunno.....

Kaithamullu said...

No Malayalam font.....
so i could not follow.....

(thallalle.....)

സെറീന said...
This comment has been removed by the author.
സെറീന said...

ആ തന്ത്രിവാദ്യത്തിന്
ഒരുമ്മ..

Mahesh Cheruthana/മഹി said...

പൂക്കാലത്തിന്റെ പടവുകളില്‍ നിറയുന്ന ഭാവനകള്‍ ഒത്തിരി ഇഷ്ടമായി!

ANITHA HARISH said...

ജലസഞ്ചാരത്തിന്‍ തുഴപ്പാടുകൊണ്ട്‌
അടിത്തട്ടിലെ നിഗൂഡസംഗീതം
പകര്‍ത്തിയെഴുതുകയാണ്‌
ഓരോ പുഴയും