Sunday, August 28, 2011

ഒരു മണിക്കൂര്‍ പത്തുമിനിറ്റില്‍

പാതി ഇടത്തോട്ടും
പാതി വലത്തോട്ടും
മുഖം നോക്കുന്ന
ഒറ്റമുറിയാത്രയിലാണ്‌
മുഴുജീവിതചിത്രീകരണം

സീറ്റിലടുക്കിയ ഉടലുകള്‍
ചാഞ്ഞും ചെരിഞ്ഞും തലകള്‍

കൈകളില്‍
ഭാഷാഭേദത്തിന്‍ കൂട്ടക്കലമ്പല്‍

മനോരമയിലെ പീഡനക്കോളം
എക്സ്പ്രസ്സിന്‍ നിയമലേഖനം നോക്കും
സമരാവേശിത തര്‍ക്കങ്ങള്‍
ക്രിക്കറ്റില്‍ ചേരും
ചരമവാര്‍ത്ത പൊതിഞ്ഞ വടയില്‍
ചൂടുള്ള സാമ്പാര്‍ വീഴും

താഴെ
അവധിയെന്നുമല്ലാതെയും
ചിരിച്ചും കണ്ണുതുടച്ചും
രുചിയുമരുചിയും കലര്‍ന്ന
ഭാണ്ഡക്കെട്ടുകള്‍

ഒരു സാരിത്തുളുമ്പലില്‍
ഉരുണ്ടുവീഴുന്നു
ബര്‍ത്തിന്റെ കണ്ണുകള്‍

ഇരുപതുരൂപയ്ക്ക്‌ ചെമ്പുവളതന്നും
നൂറ്റൊന്ന്‌ നാട്ടറിവുകളെറിഞ്ഞും
യൂക്കാലിതൊട്ട്‌
പാറ്റഗുളിക മൊട്ടുസൂചിവരെ
എണ്ണയും അത്തറും മണപ്പിച്ചും
അതിഥികഥാപാത്രങ്ങള്‍
വന്നുംപോയുമിരിയ്ക്കും

പഴയപേജുകള്‍ ഇറങ്ങുന്നിടത്ത്‌
കഥാഗതിയുടെ മേക്കപ്പില്‍
സാരിയ്ക്കു പകരം ചുരിദാറിടാം
പാകമാകാത്തവരെ ഡയലോഗിടിച്ച്‌
പാളത്തില്‍ വീഴ്ത്തിയോ വലിച്ചിറക്കിയോ
എഡിറ്റ്‌ ചെയ്യാം

ചെയിന്‍ വലിച്ചാലുമില്ലെങ്കിലും
പിന്നണിപ്പാട്ടുകാര്‍
ഓര്‍ത്ത്‌ പാടിക്കോളും
പഴകിയ വരികള്‍
ഒരു മാറ്റവുമില്ലാതെ

17 comments:

mad|മാഡ്-അക്ഷരക്കോളനി.കോം said...

ഈ ഇടെ വായിച്ചതില്‍ വളരെ വളരെ ഇഷ്ട്ടം ആയ ഒരു കവിത.. തീവണ്ടിയിലെ സംഭവങ്ങളെ വൃത്തിയായി മനോഹരം ആയി വര്‍ണിച്ചു.. നല്ല വരികള്‍ ഭാഷ..ആശംസകള്‍

Kalavallabhan said...

“പഴകിയ വരികള്‍
ഒരു മാറ്റവുമില്ലാതെ “
ഇത് താങ്കൾ പറഞ്ഞതാണിത്.
ഇനി
പഴകിയതെങ്കിലും
പഴയ വിശപ്പിന്റെ
തുടർച്ചയ്ക്കിതുമതി.
ഓണാശംസകൾ

അനില്‍കുമാര്‍ . സി.പി said...

അധികം 'തലപുകക്കാതെ' ആസ്വദിക്കാന്‍ പറ്റി. ചിന്തിപ്പിക്കുകയും, ചുണ്ടിന്റെ കോണില്‍ ഒരു ചിരി പടര്‍ത്തുകയും, അറിയാതെ നെറ്റി ചുളിഞ്ഞു പോകുകയും ഒക്കെ ചെയ്യിക്കുന്ന നല്ല വരികള്‍ . ഇഷ്ടമായി.

kaithamullu : കൈതമുള്ള് said...

മനോരമയിലെ പീഡനക്കോളം
എക്സ്പ്രസ്സിന്‍ നിയമലേഖനം നോക്കും
-
ചരമവാര്‍ത്ത പൊതിഞ്ഞ വടയില്‍
ചൂടുള്ള സാമ്പാര്‍ വീഴും
-
ഒരു സാരിത്തുളുമ്പലില്‍
ഉരുണ്ടുവീഴുന്നു
ബര്‍ത്തിന്റെ കണ്ണുകള്‍
-
പാകമാകാത്തവരെ ഡയലോഗിടിച്ച്‌
പാളത്തില്‍ വീഴ്ത്തിയോ വലിച്ചിറക്കിയോ
എഡിറ്റ്‌ ചെയ്യാം
--
അപ്പോ കവിത ഇങ്ങനേയും ആകാം, അല്ലേ?

പലവട്ടം വായിച്ച അപൂര്‍വം കവിതകളില്‍ ഒന്ന്.
താങ്ക്സ് ചന്ദ്രകാന്തം!

Manickethaar said...

ഇനി ആർക്കും ഇത്‌ സംഭവിക്കരുതേ.....

മിര്‍സ said...

സമരാവേശിത തര്‍ക്കങ്ങള്‍
ക്രിക്കറ്റില്‍ ചേരും

jayan edakkat said...

Good one, its deserve for a Congrats

ഏറനാടന്‍ said...

വളരെ മികച്ച കവിതകളില്‍ ഒന്നായി ഞാനിതിനെ വായിച്ചു. നല്ല ചിത്രീകരണം.

ശ്രീനാഥന്‍ said...

എന്തൊരു കവിത. ഇത്ര ഒതുക്കത്തിൽ കൊച്ചു മുറി ജീവിതം. തൊപ്പിയൂരുന്നു. ഗംഭീരം. ഛഗ് ഛഗ ഛഗ് ഛഗ ഛഗ് ഛഗ !

വഴിമരങ്ങള്‍ said...

''ഒരു സാരിത്തുളുമ്പലില്‍
ഉരുണ്ടുവീഴുന്നു
ബര്‍ത്തിന്റെ കണ്ണുകള്‍'

...ലോകം സുന്തര സുരഭിലം,എവിടെയും പരുഷവര്‍ഗ്ഗം നികൃഷ്ടപരിഷകള്‍,
ഒരു സാരിതുളുമ്പലില്‍ വീണുപോകുന്ന നേത്രഗോളങ്ങളും,സാത്വിക സുമനസുകളായ സ്ത്രീരത്നങ്ങളുടെ മാനഹാനിക്ക് ഹേതുവാകുന്ന വൈകല്ല്യമാനസങ്ങളും ഫിറ്റ് ചെയ്ത് നല്ല ഉഷാറായി ലോകം മുഴുവന്‍ അടക്കി വാഴുന്നു നിര്‍ഗ്ഗുണ പരബ്ര്ഹമങ്ങള്‍..... രണ്ടാം ചന്ദ്രയാനത്തിന്റെ പണിയൊന്ന് തീരട്ടെ,എല്ലാ അവന്മരെയും അമ്പിളിമാമനില്‍ കൊണ്ട് തട്ടുക തന്നെ,,,,,എന്നിട്ട് വേണം ഗര്‍ജ്ജിത സ്ത്രീ കണ്‍ഠങ്ങള്‍ക് മധുരകൂജനങ്ങളാല്‍ ഒരു സുമോഹന ഭാവിക്ക് കാഹളമൂതാന്‍...


എന്നാലും ചന്ദ്രകാന്തമെ,കവിത നന്നായി

യാത്രയിലെ യാത്ര,ദ്വിതല കാഴചകളുടെ സമാന്തരതുടര്‍ച്ചകള്‍ക്കിടക്കുള്ള ജീവിത ചിത്രങ്ങള്‍ നന്നായി വരച്ചു..

മുകിൽ said...

nalloru kavitha! abhinandanangal

hashe said...

ചെയിന്‍ വലിച്ചാലുമില്ലെങ്കിലും
പിന്നണിപ്പാട്ടുകാര്‍
ഓര്‍ത്ത്‌ പാടിക്കോളും
പഴകിയ വരികള്‍
ഒരു മാറ്റവുമില്ലാതെ

രാജേഷ്‌ ചിത്തിര said...

ഒരു യാത്രയുടെ അവസ്സാനം പോലെ.
ഉറക്കത്തില്‍ നിന്ന് സ്റ്റേഷനിലേക്കിറങ്ങുന്നതിന്റെ
റിഫ്ലക്സ് ആകഷന്‍.
കവിത നന്നായി

രാജേഷ്‌ ചിത്തിര said...
This comment has been removed by the author.
kshathriya said...

ആശംസകള്‍,ഇഷ്ടമായി....

Echmukutty said...

ഈ തീവണ്ടി മുറി ജീവിതം....
വളരെ ഇഷ്ടമായി, അഭിനന്ദനങ്ങൾ.

v.c.joseph said...

"vegadart" ലിട്ട കമെന്റിലൂടെ ആണ് ഇവിടെ എത്തിയത്. താങ്കളുടെ നല്ല വാക്കുകള്‍ക്കും വളരെ നല്ല കവിതകള്‍ക്കും നന്ദി